Category: 飲食誌
搬嚟英國後一直想搵有水準嘅泰菜，朋友介紹咗呢間藏身曼城 Sale 嘅泰潮，一試即愛上！ 🥇泰式海南雞飯：首推！雞滑不特止，啖啖膠原蛋白，個飯仲香得離譜，薑香同香料味滲入每粒米，一定係我全球食過最好味嘅top 3。 🍜牛坑腩牛筋湯河：牛腩夠腍唔爛，筋有咬口，湯底香濃又唔死鹹，飲晒都唔覺口渴，實力之作。 🥬生菜包：爽脆生菜包住香炒肉碎，非常清新又惹味。 🥗手撕雞沙律：酸辣開胃，超refresh，好適合夏天。 🧉降血脂特飲：清新開胃 🫣驚喜係隱藏Menu生蝦🦐：蝦新鮮彈牙，配自家辣醬酸辣平衡得啱啱好，好掛住泰國嘅一定要問吓有冇 🍤手工炸蝦餅外脆內彈，蝦味超濃郁。 🐟泰式魚餅有層次，香料味持久。 🍭甜品收尾： 🥭芒果糯米飯：估唔到個呢邊都買到咁甜嘅芒果，甜到出汁，個椰香糯米仲煙韌軟糯。 🍨自家製D24榴槤雪糕：今期大廚用咗D24 榴槤，一半肉切粒，一半打成蓉，香濃軟滑之餘保留果肉，真材實料，榴槤迷絕對要衝。 📌喺曼城要搵到咁高水準又地道嘅泰菜，真係難得，推薦！ 🚗 揸車嘅朋友可以泊喺門口免費一個鐘，或者泊喺附近GreenbankRoad都係50P三個鐘咋 Credit 食評 by Roise 泰潮 Thai Chill Restaurant地址：42 Green Lane, Ashton Upon Mersey, Sale M33 5PP商戶詳情：https://www.linkuhk.com/listing/thai-chill-restaurant-uk/
今日去咗一間位於曼城Ghost x kitchen入面嘅丼琪Donkiya餐廳，專注係丼飯同日式小食，整體體驗十分滿意！ 1) 巨大化厚切豬排丼 呢道豬排真係夠曬大份，而且係厚切版本，食落又香又juicy，仲一啖豬騷味都無，更值得一提嘅係，飯上仲有一層滑溜溜嘅炒蛋，蛋香加上飯香，再夾埋豬排一齊食，真係一個字：正！ 軟殼蟹炸得香脆，啱晒鐘意食脆口感嘅朋友。而且餐廳仲特別俾埋多一兜咖哩汁，方便拌飯，呢個細心位真係要加分！咖哩汁味道濃郁，但又唔會太鹹，飯同配料非常夾。 相對黎講，章魚小丸子就比較普通，不過不失，不過作為小食，已經係一個唔錯嘅選擇，冇咩投訴嘅餘地。 份量方面，真係有誠意，飯多到連我老公呢啲大食之人都食到飽晒。而且只需加£1，就可以配埋汽水，性價比極高。 如果你係Ghost x Kitchen搵一間份量足、味道好嘅餐廳，丼琪Donkiya絕對值得推介！ Credit 食評 by Tammi 丼琪Donkiya地址：60 Higher Ardwick, Manchester M12 6DA, UK商戶詳情：https://www.linkuhk.com/listing/%e4%b8%bc%e7%90%aadonkiya/
淨飲雙計既出品，全屬佳品。今次飲左手搖鴛鴦檸茶同香芋奶綠，超級好味，茶味香濃，甜度適中。我第一次飲鴛鴦檸茶，覺得比起普通檸檬茶味道更特別更好飲，有青檸同檸檬既香味，夾到無倫。香芋奶茶亦都好出色，本身我好鍾意芋香味，認真冇得頂。 不能不讚，就係佢地既服務態度，超級有 heart, 好耐心為我地推介佢地既飲品，又會叫我地試下夠唔夠甜，如果唔夠可以再幫我地調過個甜度，貼心到暈。 店鋪亦好有香港特色，充滿香港情懷，總括黎講，我俾佢地 101分，永遠支持你地，撐香港人！ Credit 食評 by Christina 商戶介紹 – My Cup Of HK Tea 淨飲雙計 At My Cup of HK Tea, we believe that tea can bring people together. Whether you’re curious about new flavors, craving something familiar, or just looking for a cozy spot to relax, our shop welcomes all. It’s a place to enjoy quality drinks and connect with others, no matter where you’re from. Come visit us and experience a fusion of flavors, cultures, and community, all in one cup! Welcome to My Cup of HK…
最近經linkuhk 收到9bird的邀請，試咗佢哋幾款中式酥餅，分享一下我既個人口味評分（滿分5星）： 1. 台灣月餅 ⭐⭐⭐⭐⭐ 我覺得係當中最好味的一款！外層有口感、有層次，紅豆蓉細滑唔會太甜，蛋黃雖然無流油，但都有鹹香味，好有驚喜。 2. 香芋酥 ⭐⭐⭐⭐ 酥皮比較薄，唔油膩，芋頭味濃郁，而且唔會太甜，算係好平衡。 3. 焙茶栗子酥 ⭐⭐⭐ 一入口有少少焙茶帶來的澀味，不過食食下就會習慣。係三款酥入面味道最淡的一款，栗子味比較細緻。 4. 抹茶紅豆酥 ⭐⭐⭐⭐ 紅豆味好突出，夠滑，甜度較高，但有抹茶中和返，唔錯。 5. 合桃餅 ⭐⭐⭐⭐⭐ 呢款真係驚喜！一咬落去就有香噴噴嘅鹹香味，酥化得嚟又唔會太硬，一口size好啱嘴，重點係佢唔係甜品路線，值得一讚！ 6. 老婆餅 ⭐⭐⭐ 中規中矩，唔甜唔漏，唔算驚艷，但食得過。 總結： 我最推薦台灣月餅同合桃餅，尤其台灣月餅，講真比曼城市中心旺X嗰間做得更好，真心超班。 雖然以上都係我個人口味啦，但喺英國茫茫人海中，搵到呢啲有香港味道嘅酥餅，真係幸福嘅事！ 據店主講，9bird開店未夠一年，未來會持續改良產品，仲會推出新口味，之前仲喺曼城和你宵擺過檔～唔知有冇朋友仔食過？ 值得一提：9bird係有牌經營，可以放心購買，全英訂單滿£30免運費，而**Wigan區更加係幾多都免運！**掛住香港味道嘅朋友，不妨一試！ ＃9bird #linkuhk Credit 食評 by Gloria 9 Birds 商戶介紹 🌟全手工制，無添加防腐劑🌟💕 Nine Birds 其實玩咗個小小食字！「鳩」除咗喺日本文化象徵和平，亦係香港人熟悉嘅字，同時代表「久違了」。我哋希望大家喺英國都可以搵到嗰種久違咗嘅味道，帶來一點熟悉與溫暖，為大家加油打氣。願 Nine Birds 成為你懷念香港的一種方式！🤗 商戶詳情：https://www.linkuhk.com/listing/9-birds/
人氣美食餐車- Dad is cooking這架美食餐車主要定期係 Wokingham （星期四）及Maidenhead進駐（星期五及六） 亦有時候會去不同地方的event擺檔! 坐落於Wokingham 的town center 都有幾檔不同的亞洲美食。最具人氣就係這架「Dad is cooking」 ，現場所見客人一個接一個，不夠一個鐘已有好多local 同香港人都會過來幫襯。過到黎都要等一等，要排下隊先可以試下「爸爸」的鑊氣小炒！ 招牌菜 蒜蓉豆豉炒豬腩肉飯⭐️⭐️⭐️⭐️⭐️ 估唔到美食車都可以做到即叫即炒，豬腩肉切成薄片炒到外脆內鬆化，蒜蓉豆豉相得益彰，啖啖嘅豬腩油香加上香濃嘅醬汁，鑊氣十足。認真推介！ 薑蔥煎蠔⭐️⭐️⭐️⭐️⭐️ 係英國生蠔就食得多，眼見個個local 都點薑蔥煎蠔，好奇嘅我地忍唔住都叫左一份。看似簡單嘅薑蔥煎蠔一點都不馬虎。薑蔥味係香港嘅代表，煎得剛剛好熟，外面一樣酥脆，咬落去充滿海水嘅味道。必試! 肉醬煎蛋飯⭐️⭐️⭐️ 對於肉醬煎蛋飯，香港人一d都唔會感到陌生。簡直係童年回憶。店主堅持用中式鑊去煎蛋，完美嘅流心蛋黃燶邊煎蛋最考功夫。這隻煎蛋好完美。店主用了珍珠米比較軟身，肉醬份量好多，同飯嘅比例一比一。肉醬比起以前快餐店食嘅稍甜一點，送飯一流。如果比較喜歡屋企煮嘅飯，建議大家留返d汁返屋企撈自家煮嘅飯。 夾心花生醬牛油西多士加奶茶⭐️⭐️⭐️⭐️⭐️ 西多士好好食! 炸得鬆脆唔油膩，我認為係鎮店之寶。食過咁多家西多士。最好食就係dad is cooking 的西多士。 Wokingham 依度最近泊車位係Waitrose, 轉個彎就到。便當式外賣盒賣相有睇頭有溫情。店主家庭式經營，三人合作無間。我地仲有好多款小食未試，好似煎釀尖椒，溏心蛋，羅宋湯等等都係好受歡迎，下次一定會再幫襯，期待更加多的香港特式小食融入英國。 《店主小檔案》 店主兩夫婦二人本是香港建築師，為着自由無價的理想，放棄香港的生活模式，來到英國展開一個不一樣的人生旅程。他們駕駛美食車四處擺檔，去經歷不一樣的人生。 在英國經營餐廳不容易，經營美食餐車的困難更多不勝數。當中發生的事件及遇見的意外令到他們亦難而上。他們勇於嘗試，不斷求變，不斷求新。Dad is cooking 菜式不但充份表達出香港味道文化，亦深受本地人喜愛。 Credit: 食評 by 移英為食鳥 – Claire Dad is Cooking商戶詳情：https://www.linkuhk.com/listing/dad-is-cooking-2/ 地點及時間：星期四 wokingham place https://maps.app.goo.gl/n599TkbBUgVGqWdy7?g_st=ic星期五Maidenhead https://maps.app.goo.gl/JPRGgoYQ6hPo1ifu9?g_st=ic #engfoodies #dadiscooking #ukbestrestaurant #英國美食 #linkuhk
位於Altrincham Town Center嘅Memories Cafe Bar，地理位置極為便利，從火車站行數分鐘便到達。餐廳環境舒適，共有兩層空間，並設有戶外座位同 bar 枱，非常適合朋友聚餐或者輕鬆小酌。 餐廳以韓式料理為主打，韓牌菜式包括：韓式炸雞，韓式炒粉絲，韓式辣炒年糕，蒜香豬肋骨。 「Korean Fried Chicken 韓式炸雞」🍗小篇分別試咗Korean Spicy 韓辣同Mustard Honey 🍯 蜜糖芥末兩款口味。韓辣味道香甜微辣，令人一試難忘；而蜜糖芥末則甜中帶香濃芥末味，醬汁均勻地鋪在金黃酥脆嘅雞件上，外脆內嫩，非常惹味。 「Stir-Fried Glass Needles with Beef 韓式牛肉炒粉絲（Japchae）」 口感彈牙不黏糊，鮮嫩牛肉搭配蔬菜、香菇、蛋同微甜嘅醬汁，帶有陣陣麻油香，整體口感層次豐富。 「Tteokbokki 韓式炒年糕」 韓式炒年糕係我最欣賞嘅一道菜式，可以話係水準之作，味道分為辣與唔辣，店主特意選用創意形狀年糕，使其口感軟糯、極其掛汁，裏面配有魚糕同蔬菜，表面鋪滿香濃芝士，份量十足。 「Garlic Pork Ribs 蒜香豬肋骨」另一推介係蒜香豬肋骨，肉質軟嫩容易脫骨，蒜香四溢，其鹹香味道令人口味。 除咗招牌菜之外，我地仲試咗韓式飯卷（Kimbap），同埋好啱打咭嘅Liquid Tiramisu 、Iced Chocolate。 「Gimbal韓式飯卷」韓式飯卷表層灑上香氣撲鼻嘅芝麻，以口感柔軟嘅米飯包住豐富嘅蔬菜、牛肉同雞蛋，每一口都食到唔同食材嘅層次感，而且飯卷包得紮實緊緻，唔會一咬就散。特別嘅係店主為免飯經冷卻後變得乾硬，所以特意保持飯卷嘅溫熱，飯卷細節位處處用心，值得一試。 「Liquid Tiramisu」Liquid Tiramisu 顧名思義係一杯帶有Tiramisu風味嘅飲品，賣相別具心思，在香滑cream cheese上散滿可可粉，杯上掛著酥軟手指餅，口感滑順帶有淡淡酒香，飲用前先用手指餅輕拌勻，味道會更好。 「Iced Chocolate 凍朱古力🍫」Iced Chocolate賣相非常吸引，好啱打咭影相，店主用香濃朱古力醬，造成唔同款式嘅創意造型公仔放入杯內，使其香濃幼滑，甜度恰到好處。 總括而言，Memories Cafe Bar 在食物質素、氣氛與服務上皆表現出色，係值得一訪再訪嘅餐廳。無論是韓式料理愛好者，或只係想搵個舒適地方同朋友小聚，都十分推薦一試。 Credit: 食評 by hailey Memories Cafe Bar地址：2b Cross St, Altrincham WA14 1EQ商戶詳情：https://www.linkuhk.com/listing/memories-cafe-bar-2/
今日來到位於英國 曼徹斯特 Tameside Hyde 的韓式餐廳 HanSik。一進門就能感受到濃濃的韓國風情。店內裝潢與佈置充滿韓國家庭式小館的溫馨氣息，牆上更播放著 K-POP MV，十足以前在韓國採訪韓星時去的小店一樣親切。彷彿置身首爾，頓時打開味蕾與期待。 進入餐廳後，老闆親切地與我們交談，並熱情介紹了店內幾道招牌菜。首先必嚐的是經典韓式紫菜包飯，米飯經過香油拌勻後包裹著新鮮蔬菜與各式配料，每一口都散發著道地的韓國風味； 接著是海鮮煎餅，外酥內嫩，海鮮與蔥花均勻分布，口感十分出色；而韓式炸雞更是讓人印象深刻，不論是辣味或是不辣版本，都能滿足不同口味的食客；此外，炸醬麵和餐廳獨創的 shake shake 便當也都別具特色，各有風味。 餐廳環境及食物的風味，讓我回味起以往在韓國工作時用過早餐小店的那種真實、樸實的家庭料理氛圍，每個細節都用心呈現出道地韓國味及親切。除此之外，價格也非常親民，讓人吃得舒心又不傷荷包。 整體來說，HanSik 是一家用心經營的韓國料理餐廳，無論是追求地道口味的老饕，還是想要體驗異國風情的朋友，都能在這裡找到屬於自己的那份驚喜。我會給予此餐廳 4.5 星的高度推薦，真心推薦喜愛傳統韓國美食的你，一定要來一趟味覺與心靈的韓國之旅！ Credit : Youtube《小馬哥遊樂場》。IG https://www.instagram.com/reel/DJxj9fYuabS/?utm_source=ig_web_copy_link&igsh=MzRlODBiNWFlZA== 地址：17 Clarendon Place, Hyde, Tameside, United Kingdom SK14 2ND商戶詳情：https://www.linkuhk.com/listing/hansik-korean-restaurant/
上個星期六我去咗 Leeds Dock Market，竟然發現咗一檔由香港人主理嘅小食檔，叫做 3.3 Tea Break！即刻有返屋企嘅感覺，氣氛親切又溫馨～💛 3.3 主打 港式下午茶小食，有多款地道甜品同鹹點，包括： 曲奇皮蛋撻：外層係曲奇口感，酥脆鬆化，蛋香十足 鮮奶撻：滑滑奶味香濃，唔會過甜，簡單又滿足 港式奶茶布甸：好驚喜！奶茶味香濃得嚟有啲煙韌口感，食完好似真係飲咗杯冰奶茶 雞批：外皮金黃鬆化，內餡鹹香惹味 港式手沖奶茶：真係用茶葉手沖，仲可以揀甜度，有微甜、正常甜、無糖，啱晒唔同人口味！ 價錢方面都好親民，每樣平均只係 £1-3 左右，CP值超高～而且店主仲有做 手作仔 (handmade crochet)，好精緻，花花、香港小食飾物等等，完全睇得出心思！ Last Saturday, I visited Leeds Dock Market and came across a heartwarming stall run by Hongkongers — 3.3 Tea Break 🇭🇰🇬🇧. It’s like a slice of home for anyone missing authentic Hong Kong-style snacks! They offer a variety of classic HK-style afternoon tea treats: Cookie crust egg tarts — crumbly on the outside, silky inside Fresh milk tart — smooth and milky without being too sweet HK milk tea pudding — full-bodied tea flavour, with a creamy yet slightly…
喺曼城行街行到攰，肚餓又掛住香港味？咁你真係要試下《焗德起》——一間隱藏喺 Ghost Kitchen 裡面、主打芝士焗飯同港式炸物嘅外賣小店，有味、有心、有故事。 一個有承擔的老闆，一份不只係煮飯咁簡單的堅持 話說店嘅前老闆竟然去咗烏克蘭參軍，新老闆為咗延續佢嘅理念，決定頂咗間鋪，並繼續守住香港味道。呢種「唔只係搵食，而係做緊一件有意義嘅事」嘅精神，單係聽都夠晒Respect。 主打登場：咖哩 x 芝士焗飯 & 海鮮忌廉意粉焗咖哩牛腩飯係我今次最期待嘅菜式。咖哩香味撲鼻，帶少少辣但好順口，牛腩炆得夠腍又入味，配上炒香咗嘅飯底再鋪滿芝士焗到金黃色，一開蓋已經想即刻開餐，芝士控絕對會愛上！ 另一推介係焗香草忌廉汁海鮮意粉。醬汁用咗香草調味，唔會太膩，帶淡淡奶香，意粉掛汁力十足，海鮮（蝦、魷魚等）亦夠新鮮彈牙，配合得剛剛好，成件事有驚喜！ 炸物一樣唔輸蝕，外賣都照樣脆卜卜雖然係外賣形式，但佢哋啲炸物一啲都唔馬虎： 酥炸魷魚鬚 ：魷魚爽口彈牙，炸得乾身唔油膩，食落夠味又唔鹹過頭，椒鹽控必試！ 生炸雞脾：皮脆肉嫩，啖啖肉汁，熱辣辣送到，食落好有快感。 蜜糖薯條：甜中帶鹹，外脆內軟，食完仲想encore。 全部即炸即做，唔會有炸完凍晒嗰種淒涼感。 有堂食，食物一樣有溫度雖然喺 Ghost Kitchen 裡面開店，但《焗德起》設有堂食位，可以即場慢慢嘆一碟熱辣辣焗飯。每一份飯、每一件炸物都食得出老闆嘅堅持。無花巧，只有誠意——呢種味道，唔係每間鋪頭做得出。 🍽️必試推介：焗咖哩牛腩飯（香辣惹味，牛腩夠腍） 焗香草忌廉汁海鮮意粉（香滑奶香，唔膩） 酥炸魷魚鬚 生炸雞脾 蜜糖薯條 📍地址：Unit 21, Ghost Kitchen, Manchester M12 6DA🔗商戶詳情：焗德起 @ LinkUHK
「豬紅＋蘿蔔＋咖喱魚蛋吖！唔該！」記得對車仔麵嘅第一個印象嚟自沙田「冬菇亭」，學生哥放Lunch一窩蜂衝去車仔檔排隊，諗番起都好似尋日發生嘅事。因為懷緬？移英兩年半嘅我，偶然喺Warrington小區見到一個「擺街木頭車」Logo，不期然畀佢吸引，走入呢間叫「淥淥麵」嘅港式車仔麵店。 一入門，第一個感覺係高樓底格局空間感十足，黑米白色主調配搭木製餐桌，簡約舒適乾淨企理，未點餐已能享受嗰份咖啡店級嘅悠閒。Menu上除咗有車仔麵不可缺少嘅牛腩、牛筋、咖喱魚蛋，仲有相對少見嘅甜酸齋，店員話我知，韭菜餃、甜酸齋、魚肉春卷、冬菇貢丸全部自家製，豬腸新鮮唔用雪藏貨，每款餸只係£2.5至£3，有選擇困難症嘅我決定揀晒自家製配料加牛筋腩，油麵搭秘製辣醬，再貪心啲Order埋個麻辣豬耳。 車仔麵一放上枱，牛腩濃香陣陣撲鼻，牛筋牛腩腍到入口即溶，豬腸超級入味，越咬越香，至於甜酸齋麵筋軟滑，甜酸度適中，冬菇貢丸亦爽口彈牙。鍾意食辣嘅就一定要試試自家秘製辣醬，雖然辣度十足，但唔係死辣嗰種，而係辣得有層次、有香氣又唔嗆喉，係嗰種加少少落去，會令成碗麵再昇華一級嘅辣醬。最後試埋麻辣豬耳，有咬口之餘脆得「咔啦」聲，£5.5一碗價錢相宜，值得一試。 多得車仔麵背後嘅女人 忍唔住問老闆，點解牛腩同牛筋可以煮得咁腍？佢話牛腩同牛筋都要Over Day隔日處理，成個過程要煲、要浸，到第二朝開舖再煲、再煮，認真係好嘢唔急得，好味要時間換。至於秘製辣醬亦係真‧手工熬製，用幾款辣椒試配，即使炒辣椒時係咁彈油，甚至炒到手臂紅晒，佢哋都會堅持炒出自家獨有味道。 落足苦功，全因老闆娘太鍾意食，對每款食品唔止鑽研十幾種唔同做法，為咗完美，唔係試足十次、煮足十晚，而係煮到最滿意為止，「將自己最鍾意嘅整俾人食」，因着呢份心意，最新推出咗麻辣米線，「米線控」不妨嚟試吓老闆娘嘅私心之選。 談話當中，老闆多次感激一眾街坊食客，唔少熟客唔止幫忙傳口碑，而且用心俾咗好多意見，老闆話不論係讚賞或批評，都會照單全收，不斷改進：「如果唔係啲街坊咁錫我哋，唔會走到今日。」呢種互相扶持嘅感覺，可能就係香港人最懷念嘅人情味。 以前諗起車仔麵，我會諗起童年回憶，依家諗起車仔麵，我會諗起堅持同真心，「淥淥麵」，推介俾同樣擁有一份堅持嘅你。 🍽️必試：牛腩、牛筋、豬腸、甜酸齋、麻辣豬耳地址：66 Albert Rd, Widnes WA8 6JT商戶詳情：https://www.linkuhk.com/listing/淥淥麵-66noodle/