Private: Blog
搬嚟英國後一直想搵有水準嘅泰菜，朋友介紹咗呢間藏身曼城 Sale 嘅泰潮，一試即愛上！ 🥇泰式海南雞飯：首推！雞滑不特止，啖啖膠原蛋白，個飯仲香得離譜，薑香同香料味滲入每粒米，一定係我全球食過最好味嘅top 3。 🍜牛坑腩牛筋湯河：牛腩夠腍唔爛，筋有咬口，湯底香濃又唔死鹹，飲晒都唔覺口渴，實力之作。 🥬生菜包：爽脆生菜包住香炒肉碎，非常清新又惹味。 🥗手撕雞沙律：酸辣開胃，超refresh，好適合夏天。 🧉降血脂特飲：清新開胃 🫣驚喜係隱藏Menu生蝦🦐：蝦新鮮彈牙，配自家辣醬酸辣平衡得啱啱好，好掛住泰國嘅一定要問吓有冇 🍤手工炸蝦餅外脆內彈，蝦味超濃郁。 🐟泰式魚餅有層次，香料味持久。 🍭甜品收尾： 🥭芒果糯米飯：估唔到個呢邊都買到咁甜嘅芒果，甜到出汁，個椰香糯米仲煙韌軟糯。 🍨自家製D24榴槤雪糕：今期大廚用咗D24 榴槤，一半肉切粒，一半打成蓉，香濃軟滑之餘保留果肉，真材實料，榴槤迷絕對要衝。 📌喺曼城要搵到咁高水準又地道嘅泰菜，真係難得，推薦！ 🚗 揸車嘅朋友可以泊喺門口免費一個鐘，或者泊喺附近GreenbankRoad都係50P三個鐘咋 Credit 食評 by Roise 泰潮 Thai Chill Restaurant地址：42 Green Lane, Ashton Upon Mersey, Sale M33 5PP商戶詳情：https://www.linkuhk.com/listing/thai-chill-restaurant-uk/
今次要介紹一款我試完覺得：「點解我咁遲先識呢杯嘢？」 👉 HK Ms R 陳皮燉冰糖檸檬 🍋🍊一樽用《低溫慢燉》+《後下陳皮》製法做出嚟嘅養生精品，背後原來有咁多堅持！ 最近天氣變得好乾，我條喉成日痕痕地。就係咁試咗 HK Ms R 嘅呢款手工陳皮檸檬，飲完第一個感覺就係：🌿 潤、暖、香！ ⸻ 🌟 試食專員感受： 呢樽嘢沖飲好方便，用熱水沖兩三匙，輕輕攪拌就即刻聞到陳皮香氣。味道酸甜適中，唔會嗆喉，飲完真係好潤喉，暖暖地成個人都舒服晒～最鍾意係，香氣唔止停留喺杯入面，係飲完之後都會喺口腔留住一陣甘香，唔係嗰種化學味，而係自然陳皮香！ ⸻ 🧪 製作背後的心思，我真係要講一講： 👩🍳 製作人同我分享話：「最想做到嘅，就係盡量保留檸檬同陳皮入面嘅天然活性成分，例如檸檬烯、橙皮苷、松油烯、蒎烯⋯⋯呢啲都係中醫同現代科研都話對人體有益。」 為咗保留呢啲易被熱破壞嘅好成分，佢堅持用：✔ 無蠟檸檬 + 15年老陳皮✔ 用足 13個鐘《低溫慢燉》✔ 再用 Miele 蒸爐 + Le Creuset 琺瑯鍋精準控溫✔ 最尾用《後下陳皮》手法，保留香氣、精華成分同天然消毒效果 一切都係為咗——唔妥協，做出一樽真係對身體有益、飲得出「有溫度」嘅產品。 💬 LinkUHK 試食小結：無論你係想滋潤喉嚨、改善氣管，定係純粹想飲杯舒服又健康嘅熱飲，呢樽 HK Ms R 真心值得一試。 商家詳情: https://www.linkuhk.com/listing/hk-ms-r/
今日去咗一間位於曼城Ghost x kitchen入面嘅丼琪Donkiya餐廳，專注係丼飯同日式小食，整體體驗十分滿意！ 1) 巨大化厚切豬排丼 呢道豬排真係夠曬大份，而且係厚切版本，食落又香又juicy，仲一啖豬騷味都無，更值得一提嘅係，飯上仲有一層滑溜溜嘅炒蛋，蛋香加上飯香，再夾埋豬排一齊食，真係一個字：正！ 軟殼蟹炸得香脆，啱晒鐘意食脆口感嘅朋友。而且餐廳仲特別俾埋多一兜咖哩汁，方便拌飯，呢個細心位真係要加分！咖哩汁味道濃郁，但又唔會太鹹，飯同配料非常夾。 相對黎講，章魚小丸子就比較普通，不過不失，不過作為小食，已經係一個唔錯嘅選擇，冇咩投訴嘅餘地。 份量方面，真係有誠意，飯多到連我老公呢啲大食之人都食到飽晒。而且只需加£1，就可以配埋汽水，性價比極高。 如果你係Ghost x Kitchen搵一間份量足、味道好嘅餐廳，丼琪Donkiya絕對值得推介！ Credit 食評 by Tammi 丼琪Donkiya地址：60 Higher Ardwick, Manchester M12 6DA, UK商戶詳情：https://www.linkuhk.com/listing/%e4%b8%bc%e7%90%aadonkiya/
淨飲雙計既出品，全屬佳品。今次飲左手搖鴛鴦檸茶同香芋奶綠，超級好味，茶味香濃，甜度適中。我第一次飲鴛鴦檸茶，覺得比起普通檸檬茶味道更特別更好飲，有青檸同檸檬既香味，夾到無倫。香芋奶茶亦都好出色，本身我好鍾意芋香味，認真冇得頂。 不能不讚，就係佢地既服務態度，超級有 heart, 好耐心為我地推介佢地既飲品，又會叫我地試下夠唔夠甜，如果唔夠可以再幫我地調過個甜度，貼心到暈。 店鋪亦好有香港特色，充滿香港情懷，總括黎講，我俾佢地 101分，永遠支持你地，撐香港人！ Credit 食評 by Christina 商戶介紹 – My Cup Of HK Tea 淨飲雙計 At My Cup of HK Tea, we believe that tea can bring people together. Whether you’re curious about new flavors, craving something familiar, or just looking for a cozy spot to relax, our shop welcomes all. It’s a place to enjoy quality drinks and connect with others, no matter where you’re from. Come visit us and experience a fusion of flavors, cultures, and community, all in one cup! Welcome to My Cup of HK…
最近經linkuhk 收到9bird的邀請，試咗佢哋幾款中式酥餅，分享一下我既個人口味評分（滿分5星）： 1. 台灣月餅 ⭐⭐⭐⭐⭐ 我覺得係當中最好味的一款！外層有口感、有層次，紅豆蓉細滑唔會太甜，蛋黃雖然無流油，但都有鹹香味，好有驚喜。 2. 香芋酥 ⭐⭐⭐⭐ 酥皮比較薄，唔油膩，芋頭味濃郁，而且唔會太甜，算係好平衡。 3. 焙茶栗子酥 ⭐⭐⭐ 一入口有少少焙茶帶來的澀味，不過食食下就會習慣。係三款酥入面味道最淡的一款，栗子味比較細緻。 4. 抹茶紅豆酥 ⭐⭐⭐⭐ 紅豆味好突出，夠滑，甜度較高，但有抹茶中和返，唔錯。 5. 合桃餅 ⭐⭐⭐⭐⭐ 呢款真係驚喜！一咬落去就有香噴噴嘅鹹香味，酥化得嚟又唔會太硬，一口size好啱嘴，重點係佢唔係甜品路線，值得一讚！ 6. 老婆餅 ⭐⭐⭐ 中規中矩，唔甜唔漏，唔算驚艷，但食得過。 總結： 我最推薦台灣月餅同合桃餅，尤其台灣月餅，講真比曼城市中心旺X嗰間做得更好，真心超班。 雖然以上都係我個人口味啦，但喺英國茫茫人海中，搵到呢啲有香港味道嘅酥餅，真係幸福嘅事！ 據店主講，9bird開店未夠一年，未來會持續改良產品，仲會推出新口味，之前仲喺曼城和你宵擺過檔～唔知有冇朋友仔食過？ 值得一提：9bird係有牌經營，可以放心購買，全英訂單滿£30免運費，而**Wigan區更加係幾多都免運！**掛住香港味道嘅朋友，不妨一試！ ＃9bird #linkuhk Credit 食評 by Gloria 9 Birds 商戶介紹 🌟全手工制，無添加防腐劑🌟💕 Nine Birds 其實玩咗個小小食字！「鳩」除咗喺日本文化象徵和平，亦係香港人熟悉嘅字，同時代表「久違了」。我哋希望大家喺英國都可以搵到嗰種久違咗嘅味道，帶來一點熟悉與溫暖，為大家加油打氣。願 Nine Birds 成為你懷念香港的一種方式！🤗 商戶詳情：https://www.linkuhk.com/listing/9-birds/
人氣美食餐車- Dad is cooking這架美食餐車主要定期係 Wokingham （星期四）及Maidenhead進駐（星期五及六） 亦有時候會去不同地方的event擺檔! 坐落於Wokingham 的town center 都有幾檔不同的亞洲美食。最具人氣就係這架「Dad is cooking」 ，現場所見客人一個接一個，不夠一個鐘已有好多local 同香港人都會過來幫襯。過到黎都要等一等，要排下隊先可以試下「爸爸」的鑊氣小炒！ 招牌菜 蒜蓉豆豉炒豬腩肉飯⭐️⭐️⭐️⭐️⭐️ 估唔到美食車都可以做到即叫即炒，豬腩肉切成薄片炒到外脆內鬆化，蒜蓉豆豉相得益彰，啖啖嘅豬腩油香加上香濃嘅醬汁，鑊氣十足。認真推介！ 薑蔥煎蠔⭐️⭐️⭐️⭐️⭐️ 係英國生蠔就食得多，眼見個個local 都點薑蔥煎蠔，好奇嘅我地忍唔住都叫左一份。看似簡單嘅薑蔥煎蠔一點都不馬虎。薑蔥味係香港嘅代表，煎得剛剛好熟，外面一樣酥脆，咬落去充滿海水嘅味道。必試! 肉醬煎蛋飯⭐️⭐️⭐️ 對於肉醬煎蛋飯，香港人一d都唔會感到陌生。簡直係童年回憶。店主堅持用中式鑊去煎蛋，完美嘅流心蛋黃燶邊煎蛋最考功夫。這隻煎蛋好完美。店主用了珍珠米比較軟身，肉醬份量好多，同飯嘅比例一比一。肉醬比起以前快餐店食嘅稍甜一點，送飯一流。如果比較喜歡屋企煮嘅飯，建議大家留返d汁返屋企撈自家煮嘅飯。 夾心花生醬牛油西多士加奶茶⭐️⭐️⭐️⭐️⭐️ 西多士好好食! 炸得鬆脆唔油膩，我認為係鎮店之寶。食過咁多家西多士。最好食就係dad is cooking 的西多士。 Wokingham 依度最近泊車位係Waitrose, 轉個彎就到。便當式外賣盒賣相有睇頭有溫情。店主家庭式經營，三人合作無間。我地仲有好多款小食未試，好似煎釀尖椒，溏心蛋，羅宋湯等等都係好受歡迎，下次一定會再幫襯，期待更加多的香港特式小食融入英國。 《店主小檔案》 店主兩夫婦二人本是香港建築師，為着自由無價的理想，放棄香港的生活模式，來到英國展開一個不一樣的人生旅程。他們駕駛美食車四處擺檔，去經歷不一樣的人生。 在英國經營餐廳不容易，經營美食餐車的困難更多不勝數。當中發生的事件及遇見的意外令到他們亦難而上。他們勇於嘗試，不斷求變，不斷求新。Dad is cooking 菜式不但充份表達出香港味道文化，亦深受本地人喜愛。 Credit: 食評 by 移英為食鳥 – Claire Dad is Cooking商戶詳情：https://www.linkuhk.com/listing/dad-is-cooking-2/ 地點及時間：星期四 wokingham place https://maps.app.goo.gl/n599TkbBUgVGqWdy7?g_st=ic星期五Maidenhead https://maps.app.goo.gl/JPRGgoYQ6hPo1ifu9?g_st=ic #engfoodies #dadiscooking #ukbestrestaurant #英國美食 #linkuhk
位於Altrincham Town Center嘅Memories Cafe Bar，地理位置極為便利，從火車站行數分鐘便到達。餐廳環境舒適，共有兩層空間，並設有戶外座位同 bar 枱，非常適合朋友聚餐或者輕鬆小酌。 餐廳以韓式料理為主打，韓牌菜式包括：韓式炸雞，韓式炒粉絲，韓式辣炒年糕，蒜香豬肋骨。 「Korean Fried Chicken 韓式炸雞」🍗小篇分別試咗Korean Spicy 韓辣同Mustard Honey 🍯 蜜糖芥末兩款口味。韓辣味道香甜微辣，令人一試難忘；而蜜糖芥末則甜中帶香濃芥末味，醬汁均勻地鋪在金黃酥脆嘅雞件上，外脆內嫩，非常惹味。 「Stir-Fried Glass Needles with Beef 韓式牛肉炒粉絲（Japchae）」 口感彈牙不黏糊，鮮嫩牛肉搭配蔬菜、香菇、蛋同微甜嘅醬汁，帶有陣陣麻油香，整體口感層次豐富。 「Tteokbokki 韓式炒年糕」 韓式炒年糕係我最欣賞嘅一道菜式，可以話係水準之作，味道分為辣與唔辣，店主特意選用創意形狀年糕，使其口感軟糯、極其掛汁，裏面配有魚糕同蔬菜，表面鋪滿香濃芝士，份量十足。 「Garlic Pork Ribs 蒜香豬肋骨」另一推介係蒜香豬肋骨，肉質軟嫩容易脫骨，蒜香四溢，其鹹香味道令人口味。 除咗招牌菜之外，我地仲試咗韓式飯卷（Kimbap），同埋好啱打咭嘅Liquid Tiramisu 、Iced Chocolate。 「Gimbal韓式飯卷」韓式飯卷表層灑上香氣撲鼻嘅芝麻，以口感柔軟嘅米飯包住豐富嘅蔬菜、牛肉同雞蛋，每一口都食到唔同食材嘅層次感，而且飯卷包得紮實緊緻，唔會一咬就散。特別嘅係店主為免飯經冷卻後變得乾硬，所以特意保持飯卷嘅溫熱，飯卷細節位處處用心，值得一試。 「Liquid Tiramisu」Liquid Tiramisu 顧名思義係一杯帶有Tiramisu風味嘅飲品，賣相別具心思，在香滑cream cheese上散滿可可粉，杯上掛著酥軟手指餅，口感滑順帶有淡淡酒香，飲用前先用手指餅輕拌勻，味道會更好。 「Iced Chocolate 凍朱古力🍫」Iced Chocolate賣相非常吸引，好啱打咭影相，店主用香濃朱古力醬，造成唔同款式嘅創意造型公仔放入杯內，使其香濃幼滑，甜度恰到好處。 總括而言，Memories Cafe Bar 在食物質素、氣氛與服務上皆表現出色，係值得一訪再訪嘅餐廳。無論是韓式料理愛好者，或只係想搵個舒適地方同朋友小聚，都十分推薦一試。 Credit: 食評 by hailey Memories Cafe Bar地址：2b Cross St, Altrincham WA14 1EQ商戶詳情：https://www.linkuhk.com/listing/memories-cafe-bar-2/
今日來到位於英國 曼徹斯特 Tameside Hyde 的韓式餐廳 HanSik。一進門就能感受到濃濃的韓國風情。店內裝潢與佈置充滿韓國家庭式小館的溫馨氣息，牆上更播放著 K-POP MV，十足以前在韓國採訪韓星時去的小店一樣親切。彷彿置身首爾，頓時打開味蕾與期待。 進入餐廳後，老闆親切地與我們交談，並熱情介紹了店內幾道招牌菜。首先必嚐的是經典韓式紫菜包飯，米飯經過香油拌勻後包裹著新鮮蔬菜與各式配料，每一口都散發著道地的韓國風味； 接著是海鮮煎餅，外酥內嫩，海鮮與蔥花均勻分布，口感十分出色；而韓式炸雞更是讓人印象深刻，不論是辣味或是不辣版本，都能滿足不同口味的食客；此外，炸醬麵和餐廳獨創的 shake shake 便當也都別具特色，各有風味。 餐廳環境及食物的風味，讓我回味起以往在韓國工作時用過早餐小店的那種真實、樸實的家庭料理氛圍，每個細節都用心呈現出道地韓國味及親切。除此之外，價格也非常親民，讓人吃得舒心又不傷荷包。 整體來說，HanSik 是一家用心經營的韓國料理餐廳，無論是追求地道口味的老饕，還是想要體驗異國風情的朋友，都能在這裡找到屬於自己的那份驚喜。我會給予此餐廳 4.5 星的高度推薦，真心推薦喜愛傳統韓國美食的你，一定要來一趟味覺與心靈的韓國之旅！ Credit : Youtube《小馬哥遊樂場》。IG https://www.instagram.com/reel/DJxj9fYuabS/?utm_source=ig_web_copy_link&igsh=MzRlODBiNWFlZA== 地址：17 Clarendon Place, Hyde, Tameside, United Kingdom SK14 2ND商戶詳情：https://www.linkuhk.com/listing/hansik-korean-restaurant/
托特納姆熱刺（Tottenham Hotspur）在2025年歐霸盃決賽中，以1:0力挫勁敵曼聯（Manchester United），勇奪39年來首個歐洲賽事冠軍。這場比賽在西班牙畢爾包的聖馬梅斯球場進行，吸引全球超過6千萬人次觀眾收看。 意外英雄 Brennan Johnson 震撼全場 決勝一擊來自威爾斯前鋒Brennan Johnson。他在上半場接應中場Pape Sarr的右路低傳，令曼聯後衛Luke Shaw在混戰中誤將皮球踢入自家網窩。雖然官方記錄為烏龍球，但Johnson的切入跑位及創造力無疑是致勝關鍵。 門將Vicario力挽狂瀾 整場比賽，熱刺的控球率僅有27%，但門將Guglielmo Vicario成為守門英雄，屢次撲救來自Rashford、Bruno Fernandes等人的攻門，最終以零封對手完成賽事。 主教練Ange Postecoglou在賽後表示：「這場比賽不是我們一貫的踢法，但為了冠軍，我們選擇相信球員的決心與執行力。」 勝利巡遊預告｜北倫敦齊賀冠軍 為慶祝這次歷史性奪冠，熱刺將於**5月23日（星期五）**舉行勝利巡遊： 出發時間：下午3:00 起點：Edmonton Green 路線：經Broadway、High Road至White Hart Lane 終點：Northumberland Park Stadium（熱刺主場） 頒獎儀式時間：下午5:00於球場外Paxton Terrace舉行 主辦單位建議球迷提早前往，並可透過熱刺YouTube頻道與大屏幕同步觀看現場實況。倫敦警方亦將進行交通管制，預計數萬名球迷將湧入街頭參與盛典。 What’s More：三個你可能不知道的趣聞 Son Heung-min「無牌事件」：歐洲足協疑因人手失誤，未即時為所有球員頒發冠軍獎牌，Son Heung-min與幾位主力需比賽結束數小時後方才獲發。 Mourinho式戰術致勝：Postecoglou改以保守防守反擊策略，有評論指其策略「借鏡昔日Mourinho於曼聯奪歐霸時的部署」。 Johnson由爭議變英雄：Brennan Johnson季初因表現起伏遭球迷批評，最終卻在決賽中一擊定江山，證明自己價值。
英國人氣兒童動畫《Peppa Pig》近日迎來重大變化，Mummy Pig於5月20日早上5時34分誕下第三名孩子，一位名為Evie的小豬，為這個深受喜愛的家庭增添新成員。 Evie的名字源自Mummy Pig的姨母，這個名字對家庭具有特別意義。新成員的到來讓Peppa和George感到興奮，他們迫不及待地想與妹妹共度時光。 Evie的出生地點是倫敦著名的St Mary’s Hospital的Lindo Wing，這也是英國王室成員出生的地方。這一安排讓Evie的誕生更具象徵意義。 為了迎接Evie的到來，官方將於5月30日推出特別影院體驗《Peppa Meets the Baby》，讓觀眾一同見證這個家庭的新篇章。 此外，Smyths Toys已推出多款以Evie為主題的玩具，包括互動娃娃和家庭套裝，讓小朋友們可以在家中與Evie一起玩耍。 Fun Facts: 王室同款出生地：Evie與英國王室的George王子、Charlotte公主和Louis王子一樣，出生於St Mary’s Hospital的Lindo Wing。 名字的由來：Evie這個名字來自Mummy Pig的姨母，展現了家庭對傳統和親情的重視。 特別影院體驗：為了慶祝Evie的誕生，官方將推出特別影院體驗《Peppa Meets the Baby》，讓觀眾深入了解這個新成員的故事。