Private: Blog

英國會喺3月30日（星期日）凌晨1點（GMT時間）將時鐘撥快一小時。 呢個時間代表緊 格林威治標準時間（GMT） 結束，開始咗 英國夏令時間（BST），又叫做 日光節約時間（DST）。 如果你成日唔記得係撥前定撥後，可以記住呢句英文：「Spring forward, fall back（春前秋後）」，咁就容易記得。 🌞 日照時間越嚟越長 春分(Spring Equinox) 已經過咗，北半球大部分地區而家每日都有超過12個鐘頭嘅日光。撥快時鐘即係話，日出時間會推遲一個鐘。 啱啱轉咗時間之後，早起身嘅人會覺得天光遲咗；但相反，黃昏會光啲，因為太陽遲啲先落山。 日出同日落時間都會延長，到夏至（6月）時，蘇格蘭北部一日會有接近19個鐘嘅日照。 你可以上 BBC天氣網站 或用佢哋個App查下你當地日出日落嘅時間。 🕰️ 點解會有日光節約時間？ 日光節約時間（DST）係夏天時將時鐘撥快一個鐘，最早係 1916年由德國 推行。 當時因為第一次世界大戰，想慳電，就利用晚間多啲自然光，減少用燈同暖氣。 德國搞完之後，其他國家都跟住做，包括英國，叫做 British Summer Time（BST）。 去到第二次世界大戰，英國更加實行咗 雙倍夏令時間（British Double Summer Time），即係夏天撥快兩個鐘，冬天只撥慢一個鐘，咁就成日比GMT快一個鐘，增加日光時間，提高生產力。 ⚖️ 支持與反對夏令時間嘅講法 支持夏令時間嘅其中一個原因係：夏天晚啲天黑，交通意外減少咗好多。 英國曾經喺1968年做過三年實驗，全年用BST。當時車禍真係少咗，但之後有人認為，主要係因為1967年實施咗新嘅酒駕法例。 但對蘇格蘭北部嚟講就冇咁好，冬天有啲地方朝早10點先天光，反而多咗交通意外。蘇格蘭政府一直反對冬天都用BST。 另外，有啲人覺得每年調兩次鐘好似令人有輕微時差，特別係春天嗰次，少咗一個鐘瞓覺，會影響精神狀態。 不過依家有智能手機自動更新時間，記得調鐘都方便咗。 目前英國冇打算改變而家嘅日光節約時間做法。 🌍 其他國家有冇實施夏令時間？ 英國同大部分歐洲國家一樣，係 3月最後一個星期日撥快一個鐘，10月底撥返慢一個鐘。 但唔係所有國家都係同一日轉。 例如 美國 今年係 3月9日 撥快，會喺 2025年11月3日 撥慢，啱啱係英國遲一個星期。 澳洲 因為入冬，會喺 4月6日 將時鐘撥慢。大部分地方都撥慢一個鐘，但 Lord Howe Island（羅德豪島） 只撥慢30分鐘，咁就同新南威爾士州時間同步。 PHOTO: BBC WEATHER WATCHERS/ VIDEOMAN

Lidl 超市送你 £5.00‼️人人唔同 Check下先   仲有日本食品週可於店內購買😁以下再更新大家試伏Comment，記得睇下先買    #RiceCracker食過都可以 #MochiLemonYuzuSorbet太甜 #CoatedPeanut好伏 #Loyd抹茶粉試過用來整曲奇和蛋糕好食唔伏 #LoydMatcha用嚟整MatchaLatte  #日式雜豆零食食得過 #VITASIA味醂唔好嘥錢  #GyozaSauce好難食 #WasabiIceCream伏伏伏 #柚子酒難飲到嘔啊 #Mochi好伏雖然MIT個皮勁厚餡勁少  #目測得筷子無伏 #結果掃晒熱浪同蝦條   ==============  另外 Amazon 春日減價祭開波📉更多一年低位產品 linktr.ee/ukdealguide ============== Credit: 英國優惠Guide

3月4月飲食情報🎉大家記得MARK低日子📅 1️⃣ Tortilla 免費 Burrito 或 Salad Bowl 📅 日期：4月3日 下午3點開始 🎁 店內兌換，限量15,000 份給註冊 Burrito Society 會員，記得下載 Tortilla App 登記 2️⃣ Ikea 1鎊早餐 📅 日期：4月18日 Good Friday 🎁 全英 IKEA 門市，英式早餐包括：煎蛋、煙肉、香腸、茄汁焗豆、烤蘑菇、烤番茄或薯餅 3️⃣ Pizza Express 只需 33p 起 📅 日期：3月27日 下午5點至6點（1小時限定） 🎁全英 PizzaExpress 餐廳 60週年生日驚喜！記得提前網上訂位，Walk-in 未必有位！優惠包括：Margherita £0.33、La Reine £0.48、American £0.45 及 American Hot £0.50 4️⃣ Ben & Jerry’s 免費雪糕日 📅 日期：4月8日 中午 12點 至晚上 8點 🎁冇最低消費、唔使出示優惠碼，就係純粹送雪糕 Credit: 英國優惠Guidehttps://www.facebook.com/ukdealguidehttps://www.instagram.com/ukdealguide/

【SAY NO TO CHINESE SUPER EMBASSY】 【反對興建中国超級大使館】 好鼓舞有 6,000幾位朋友出席咗15/3 倫敦活動。我哋嘅網上聯署亦有近 3,000 個簽名。但係一日事件未平定，希望大家繼續努力爭取！ 請大家呢幾日繼續幫手分享推動朋友簽署： https://chng.it/pVCsS8Y8Ry 聯署整理好後就會遞交俾 Angela Rayner。 We’re proud to have more than 6,000 participants in the event in London on 15th March. Our online petition has reached almost 3,000 signature as well. Please continue to share the petition and ask your friends to sign: https://chng.it/pVCsS8Y8Ry The signatures will be delivered to Angela Rayner afterwards. Credit :　https://www.facebook.com/manchesterhkersManchester Stands With Hong Kong 

‼️突發消息：移民相關費用即將加價！🔺Home Office 昨日正式公佈，由4月9日起將提高📈多項移民相關申請費用，包括大部分簽證、永居及入籍申請。💡對上一次加價已經係2023年10月4日，今次加幅雖然溫和，但都會對申請成本造成一定影響。   🔹BNO Visa🔹 2.5年簽證：£180 ➡️ £193 5年簽證：£250 ➡️ £268   🔹Family Visa🔹 境外申請：£1,846 ➡️ £1,938 境內申請：£1,258 ➡️ £1,321   🔹Skilled Worker Visa（僱主相關）🔹 Sponsor Licence（小型僱主）：£536 ➡️ £574 Certificate of Sponsorship（3年或以下）：£719 ➡️ £769 Certificate of Sponsorship（超過3年）：£1,420 ➡️ £1,519   🔹Skilled Worker Visa（僱員相關）🔹 3年或以下（境外申請）：£719 ➡️ £769 超過3年（境外申請）：£1,420 ➡️ £1,519 3年或以下（境內申請）：£827 ➡️ £885 超過3年（境內申請）：£1,636 ➡️ £1,751   🔹其他簽證申請🔹 學生簽證：£490 ➡️ £524 訪客簽證（6個月）：£115 ➡️ £127   🔹永居及入籍申請🔹 主申請人及受養人：£2,885 ➡️ £3,029 入籍申請（Naturalisation）：£1,500 ➡️ £1,605 BNO註冊（Registration）：£1,351 ➡️ £1,446 兒童註冊（Registration）：維持 £1,214 不變   💡Priority Service 費用維持不變（£500 或 £1,000）   🔸加幅比較🔸   上一次加價幅度大約為 15% – 35%（例如永居費用由 £2,404…

📩 有讀者問：到底點樣先可以喺英國做到球證？有咩條件同手續？今日就同大家講解一下！ 🧐 成為球證有咩基本要求？ ✅ 熱愛足球 ❤️✅ 能夠適應各種天氣 ☀️🌧️❄️✅ 承受比賽壓力 💪 📚 唔需要擔心球例問題，因為課程會詳細教你！好多踢咗多年波甚至係教練嘅人，上完課先發現自己對某啲球例理解係錯嘅，所以只要用心學，一定無問題！ 📍 報名程序 ⚽️ 英格蘭球證培訓由各郡足球總會（County FA）負責，半職業球證由英格蘭足總統一管理，而職業賽事球證則由PGMOL負責。 💡 想報名學做球證，就要聯絡你所屬嘅郡足總，可以去佢哋網站 Referees 部分睇詳情。雖然每個郡足總流程可能有少少唔同，但大致步驟如下： 🏅 第一步：申請 FA 編號（FAN） 🔹 你首先要申請 FA Number (FAN)，呢個係所有足球參與者（球員、教練、球證等）嘅身份編號。🔗 申請 FAN 教學 👉 按此 🎓 第二步：完成網上學習 ✅ 用 FAN 登入系統，完成一系列免費嘅網上課程，學習基本球證知識，每個部分都有小測驗，但可以重複做到啱哂為止。 🛡️ 第三步：安全培訓（Safeguarding） 🏆 必須完成 Safeguarding for All 課程，確保參與足球運動嘅人免受欺凌或侵犯。🔗 課程連結 👉 按此 💰 第四步：報名面授球證班 📌 完成網上課程後，就可以正式向郡足總報名 面授球證班，費用大約 £150-160（視乎郡足總）。⚠️ 有啲地方球證班報名爆滿，可能要填表等候通知。 📆 第五步：參加面授課程 📌 課程時長：📍 星期五晚上（課室學習，球例深入討論）📍 星期日全日（上晝課堂 + 下晝戶外實習，包括哨子運用、手勢、走位及旁證旗號等） 🚀 第六步：成為 Trainee Referee 📌 完成課程後，你會成為 Trainee Referee，可以開始執法草根足球賽事。📌 如想執法 青年賽事，需額外完成 Safeguarding for Children 課程及 DBS（無犯罪紀錄證明）。 🎖 第七步：累積經驗 & 取得資格 📌 部分足總會幫你安排比賽，部分則需要你自行聯絡地區聯賽加入 panel referee。📌…

[#271！英國有乜嘢四月起會加價？🤔] 📈 全球物價上升，英國都唔例外！以下同大家一齊數下4月起要加價的項目，等大家有心理準備，免得見到帳單嚇親。仲附上慳錢貼士，幫大家應對通脹壓力！🙃 🌆 Council Tax（市政稅） • 普遍加幅：4.99% • 部分地區更高：例如 Trafford 加 7.5% • ✅ 慳錢貼士： • 可以用 AE 卡綁定 PayPal 繳費，賺回贈（前提是該 Council 接受 PayPal）。 • 英國 PayPal 新用戶開戶送 £5，完成指定交易再送 £10。 🔥 能源費用（電 + 煤氣） • Energy Price Cap： • 4月1日至6月30日加 6%，達到每年 £1,849（即每月多 £9.25）。 • 與去年同期 £1,690 相比，上升約 9%。 • ✅ 慳錢貼士： • 善用 Octopus Energy 的 Agile / Tracker / Go / Intelligent 低價時段。 🚰 水費 • 加幅範圍：19% – 47% • 例如 United Utilities 加 23%（每月多 £10 左右） • Thames Water 加 31%（每月多 £10-£20） • ✅ 慳錢貼士： • 申請 gym…

【母親節限定！Longleat媽媽免費入場｜動物園＋迷宮＋古宅一日遊】 喂喂～母親節唔好再諗爆頭啦！今年不如試下帶阿媽嚟個英國 Longleat 開心日trip！😍地址: Center Parcs Longleat Forest, Warminster BA12 7JS 由3月29號到30號，只要你上網book飛，有一個成人或小童票一齊book, 入返個code「MUM25」，阿媽就可以免費入場！🔥 🐾 玩咩？有咩咁正？Longleat 唔只係動物園咁簡單，行足一日都唔夠～你可以揸車入去Drive-Through Safari，近距離睇獅子、斑馬、長頸鹿，成個野生feel返晒嚟！🦁🦓 跟住入去仲有個超有格調嘅伊莉莎白時期大宅，超好影相打卡📸，啱晒鍾意歷史或者想chill下嘅媽媽！ 成個園區都係俾一家大細放電嘅天堂～不論你係帶阿媽加小朋友，定係淨係孝敬阿媽嚟個relax day，Longleat 都幫你搞掂晒～行迷宮、睇動物、影靚相，仲有啲輕鬆活動等緊你哋～💐 🎟 優惠詳情 & 條款： ✔ 媽媽免費入場優惠適用於2025年3月29號（六）同30號（日）✔ 每張成人或小童（3-15歲）全票可帶一位媽媽免費入場✔ 只限網上訂票，入code「MUM25」✔ 每次交易只可用一個優惠碼✔ 唔適用於旅行團、已預約group、年票會員、Tesco Clubcard、軍人/急救人員折扣等等✔ Longleat 保留更改或取消任何活動、設施或優惠嘅權利，唔另行通知～ 🦁 詳情留意返官網同埋book飛啦，https://www.longleat.co.uk/mothers-day ，今年母親節唔駛煩，帶阿媽嚟個英倫式嘅完美假期！❤️ 🎟 門票價錢（標準日票）：👩‍🦳 成人票（16歲以上）：£42.95🧒 小童票（3-15歲）：£32.95👶 嬰兒票（0-2歲）：£0.00🧑‍🦽 照顧者票（任何年齡）：£0.00 Follow 我咃 LinkUHK 啦! 🚀📌 黃頁平台： www.linkuhk.com📌 FB Page：https://www.facebook.com/linkuhk📌 IG：https://www.instagram.com/linkuhk/📌 WS group: https://www.linkuhk.com/linkuhk-x-whatsapp📌Threads : https://www.threads.net/@linkuhk

免費Emmi牛奶咖啡 （價值£1.25, 優惠只限5月10前或達5,000兌換） 換領方法: 1. 點擊連結登記 https://emmicaffelattezero.co.uk/ 2. 收到sms後, 到 參與Tesco 打開coupon後兌換Emmi Caffè Latte Zero 230ml Cup 一枝 今次參與分店有限, 換之前記得睇邊間分店有售 閃閃code根據小編經驗 揀有self check out嘅Tesco 記得唔好用club card 先嘟產品再嘟coupon, 然後叫職員拍卡 如果去customer service有機會因為職員唔知係咩優惠換唔到 Free Emmi Caffè Latte (Worth £1.25, Offer Valid on or before May 10th or Until 5,000 Redemptions) How to Redeem: 1. Click the link to register. 2. Receive an SMS and visit a participating Tesco store. 3. Open the coupon and redeem one Emmi Caffè Latte Zero 230ml Cup. ==================================================== 同意並轉載自 ‘英國Money慳’https://www.facebook.com/profile.php?id=61560280890754https://www.instagram.com/uk.money.hang

投稿作者：Sheffield Mirror Family Hellosss Joyce   IG @sheffieldmirrorfamily 3月12號對我同埋一班 Hellosss嚟講，絕對係一個難忘嘅日子。因為Ian終於飄洋過海嚟到英國倫敦，開展佢個人世界巡迴演唱會嘅第一站！就好似 Fan Club話咁，「相隔幾千公里，今晚終於見到你！」 當日企喺現場，我都覺得有啲唔真實。從來冇諗過，9,600公里外嘅香港舞台，可以搬到英國OVO Arena Welmeby呢個場館入面。Ian企喺舞台中央，spotlight打落去嗰一刻，我哋都知道，呢場演唱會唔單止係一場音樂表演，仲係一個只屬於Ian同Hellosss嘅音樂世界，將世界各地嘅Hellosss連繫埋一齊。 其實我係追 Mirror 之前，一直都算係佛系粉絲，鍾意聽佢哋嘅歌，但未試過為偶像做咁多事。不過，今次為咗呢場演唱會，我主動識咗一班新嘅朋友，大家一齊搭車落倫敦，一齊排隊拎應援，甚至唔介意大叫支持Ian陳卓賢，唔理周圍人嘅目光。本來係一個人去，但最後尾變咗一班人一齊去支持。最重要係，本來係收收埋埋，最後踏出Comfort Zone主動去接觸更多唔同嘅新事物，呢種感覺，真係「IAN人上身」！ 當晚最震撼我嘅一刻，無過於Ian唱嘅新歌《鑿》。由香港到倫敦，佢將自己嘅熱情帶到世界舞台。聽到現場版嘅時候，我感受到佢為呢場演唱會所付出嘅努力，佢用聲音將情感傳遞，將黑暗嘅舞台變得充滿力量，令我哋感受到佢對音樂嘅熱情同執著。作為世界巡迴演唱會嘅第一站，雖然受限於場地規則，但整個舞台仍然充滿住香港演唱會嘅靈魂。無論係舞台設計、噴紙，甚至係郵差親自派送 Ian 親筆簽名相，每一個細節都睇得出Ian 嘅用心，佢希望將香港嘅演唱會原汁原味帶嚟英國。我望住周圍，見到大家舉起手燈，揮動自製嘅手幅，嗌住「Ian！Ian！Ian！」嗰一刻，大家就好似係香港一樣，全程投入Ian嘅音樂，佢帶領住我哋走過唔同嘅章節，亦感受到唔同嘅情感。 回想返今次倫敦嘅演唱會，我只想講「多謝你，Ian！無論相隔幾遠，你都係到我哋身邊。」呢場演唱會唔單止係你音樂旅程嘅一個里程碑，都係Hellosss嘅重要時刻。多謝你俾我哋呢一場不可思議嘅旅程下一次無論喺倫敦定係世界任何一個地方我哋都會繼續支持你。 LinkUHK 🚀📌 黃頁平台： www.linkuhk.com📌 FB Page：https://www.facebook.com/linkuhk📌 IG：https://www.instagram.com/linkuhk/📌 WS group: https://www.linkuhk.com/linkuhk-x-whatsapp📌Threads : https://www.threads.net/@linkuhk